Að Húsi Fagfélaganna standa Byggiðn félag byggingamanna, FIT Félag iðn- og tæknigreina, MATVÍS, Rafiðnaðarsamband Íslands, Samiðn samband iðnfélaga og VM Félag vélstjóra og málmtæknimanna en félögin fluttu í sameiginlegt endurbætt húsnæði að Stórhöfða 31 á vormánuðum 2019 með það að markmiði að auka samstarf félaganna og ekki síst þjónustuna við félagsmenn.

Félögin hafa haft ríkulegt samstarf við gerð kjarasamninga undanfarin ár og komið sameiginlega að málum er snerta hagsmuni iðnaðarmanna svo ákveðið var að stíga næsta skref og formgera samstarfið í sameiginlegu húsnæði og samstarfi um rekstur.